தரிசு நிலத்தில் லாபம் தரும் சோற்றுக்கற்றாழை

திருநெல்வேலி மாவட்டம்,பாவூர்சத்திரம் பகுதியில் தரிசு நிலங்களில் அதிகமாக சோற்றுக் கற்றாழை பயிரிடப்பட்டு வருகிறது.

* சோற்றுக் கற்றாழை ஒரு தரிசு நிலப்பயிராகும்.
* மழை குறைவான பகுதியில் விவசாயம் சரியான அளவில் நடைபெற முடியாத நிலையில் மூலிகைப் பயிரான சோற்றுக் கற்றாழை பெருமளவில் பயிரிடப்படுகிறது.
* இந்தப் பயிர் அதிகளவில் தரிசுநிலப் பகுதிகளிலேயே பயிரிடப்படுகிறது.
* ஆஸ்துமா, குடல் புண், உடல் உஷ்ணம் போன்ற நோய்களுக்கு கற்றாழை ஒரு நல்ல மருந்தாகும்.
* இதன் தோல்பகுதியை சீவி எடுத்து, மோர், பாலில் கலந்து குடித்து வந்தால் நோய்கள் குணமாகும்.இது ஆடு, மாடு போன்ற கால்நடைகளுக்கும் ஒரு மருந்துப் பொருளாகப் பயன்படுகிறது.
* இதுதவிர மூலிகை சோப்பு, ஷாம்பு, மருந்து, மாத்திரைகள் தயாரிக்க மூலப் பொருளாகவும் பயன்படுகிறது. இதனால் வெளிமாநிலங்களுக்கு பெருமளவில் இவை ஏற்றுமதி செய்யப்படுகின்றன.
* சோற்றுக்கற்றாழையை, வாழை சாகுபடியில் பக்க வாழையை எடுத்து நடுவது போன்றே பயிரிட வேண்டும். மூன்று அடிக்கு ஒன்று என்ற விகிதத்தில் சோற்றுக்
* கற்றாழையை நடலாம். பத்து நாள்களுக்கு ஒரு முறை தண்ணீர் பாய்ச்சினால் போதும்.
* இடைவெளி பயிர் செய்திருப்பதால் நீரை எடுத்துச் சென்று சோற்றுக் கற்றாழைக்கு விடலாம்.
* சொட்டுநீர் பாசனம் இந்த பயிருக்கு உகந்தாகும்.
* சோற்றுக் கற்றாழை செழித்து வளர்ந்தால் கீற்றுகள் ஒவ்வொன்றும் 300 கிராம் முதல் 1 கிலோ எடை வரை பருமனாக இருக்கும். 1 கிலோ எடையுள்ள கீற்று ரூ.4 முதல் 5 வரை விற்பனையாகிறது.
* களைகள் அதிகம் தேங்கவிடாமல் பார்த்துக் கொண்டால் உரம் போடத் தேவையில்லை.
* ஒரளவு சாண உரம் இட்டால் போதும். ஒரு முறை சோற்றுக் கற்றாழை நட்டால் ஓராண்டுக்கு பலன் கொடுக்கும்.
* 15 முதல் 20 நாள்களுக்கு ஒரு முறை அதன் கீற்றுகளை மட்டும் அறுவடை செய்யலாம்.
* இது வெயில் காலத்துக்கு ஏற்ற பயிராகும். மருத்துவக் குணம் மிக்க சோற்றுக்கற்றாழைக்கு பூச்சி மருந்து அடிக்கத் தேவையில்லை.
* தண்ணீர் வசதியில்லாத கரடுமுரடான இடங்கள், பாறைகள் சூழ்ந்துள்ள இடங்கள் சுண்ணாம்பு பாறைகள் சூழ்ந்துள்ள பகுதிகளில் கூட சோற்றுக் கற்றாழை நன்றாக வளரும்.

இந்த சோற்றுக் கற்றாழை விவசாயிகளுக்கு குறைந்த செலவில் அதிக பலன் கொடுக்கும் பயிராக உள்ளது.

அறிய வேண்டிய தகவல்
18+ அறிய வேண்டிய தகவல்கள்!

1)பிறக்கும்போது மனித உடலில் 300 எலும்புகள் உள்ளனவாம்;வளர்ந்த பின் 206 தான் உள்ளனவாம்!(94 ஐ யாரோ திருடிட்டுப் போயிட்டாங்க போல)

2)மனித இதயம் ஒரு நாளைக்கு 1,00,000 தடவைக்கு மேல் துடிக்கிறதாம்

3)தலை வெட்டுப்பட்டாலும் ஒரு கரப்பு பல நாட்கள் வாழுமாம்;கடைசியில் அது பட்டினியால் சாகிறதாம்!

4)பூமியின் எடை-6,600,000,000,000,000,000,000 டன்களாம்.

5)ஒரு சதுரக் காகித்த்தை ஏழு தடவைக்கு மேல் பாதியாக மடிக்க முடியாதாம்,

6)கிளினோஃபோபியா என்பது படுக்கையைக் கண்டு பயப்படுவதாம்

7)ஒரு வயலினில் கிட்டத்தட்ட 70 மரத்துண்டுகள் உள்ளனவாம்

8)மின்னலால் உண்டாகும் சூடு,சூரியனின் பரப்பில் உள்ள சூட்டை விட 5 மடங்கு அதிகமாம்.

9)சமாதானத்துக்கான நோபல் பரிசு மெடலில் தோள் மேல் கை போட்டு நிற்கும் மூன்று நிர்வாண ஆண்களின் உருவம் உள்ளதாம்

10)உலகில் மிக அதிகமாக உள்ள பெயர் முகமது என்பதுதானாம்

11)சீட்டுக் கட்டில் ஆட்டின் ராஜாவுக்கு மட்டும் மீசை இல்லையாம்.

12)மின்சார பல்ப் கண்டு பிடித்த எடிசனுக்கு இருட்டைக் கண்டால் பயமாம்

13)உலகில் 10 லட்சம் விதமான மிருகங்கள் உள்ளனவாம்

14)ஒரு சராசரி மனிதன் ஒரு ஆண்டில் 1460க்கும் மேற்பட்ட கனவுகள் காண்கிறானாம்.

15)முள்ளம்பன்றிகள் தண்ணீரில் மிதக்குமாம்.

16)சூரியன் ,பூமியை விட 330330 மடங்கு பெரியதாம்.

17)காட்டுத்தீ,மலையில் கீழ் நோக்கிப் பரவுவதை விட,மேல் நோக்கி வேகமாகப் பரவுமாம்.

18) ஒரு 75 வயது மனிதன் வாழ்வில் 23 ஆண்டுகள் தூங்கியிருப்பானாம்!

(18+1)
1.ஆக்டோபஸ்ஸுக்கு 3 இதயங்கள் உள்ளனவாம்

மொத்தம் 18+ தகவல்கள்
சரிதானே!

வெற்றிலை..!

1. மூலிகையின் பெயர் -: வெற்றிலை.
2. தாவரப் பெயர் -: PIPER BETEL.
3. தாவரக்குடும்பம் -: PIPER ACEAE.
4. வேறு பெயர் -: தாம்பூலம், நாகவல்லி, வேந்தன், திரையல் என்பன.
5. வகைகள்-கம்மாறு வெற்றிலை, கற்பூரவெற்றிலை மற்றும் சாதாரண வெற்றிலை என்பன.
6. பயன்தரும் பாகங்கள் -: கொடியின் இலை மற்றும் வேர்.
7. வளரியல்பு -: இது இந்தியாவில் வெப்பமான இடங்களிலும் சதுப்பு நிலங்களிலும், வளர்கிறது. இது ஒரு கொடி வகையைச் சேர்ந்தது. இதன் இலைகள் இதயவடிவில் பெரிதாக இருப்பதோடு நுனி கூர்மையாகவும் இருக்கும். வடிகால் வசதி இருக்கவேண்டும். அகத்தி மரங்களை இடையில் வளர்த்தி அதில் கொடிகள் வளர வளர கட்டிக்கொண்டே செல்வார்கள்
மூங்கில் களிகளையும் பயன்படுத்துவார்கள். இதை ஆற்றுப் படுகைகளில் வியாபார ரீதியாக அதுகம் பயிரிடுகிறார்கள். கருப்பு நிறமுடன் நல்ல காரமாக இருப்பது கம்மாறு வெற்றிலை. கற்பூர மணத்துடன் சறிது காரமாகவும் இருப்பது கற்பூர வெற்றலையாகும். வெற்றிலைக்கு நல்ல மணமும் , காரமும் உண்டு. இது கொடி பதியம் மூலம் இனப்பெருக்கம் செய்யப்படுகிறது.
8. மருத்துவப் பயன்கள் -: பொதுவான குணம். சீதம் நீக்கும், வெப்பம் தரும், அழுகல் அகற்றும், உமிழ்நீர் பெருக்கும், பசி உண்டாக்கும், பால் சுரக்க வைக்கும், காமத்தைத் தூண்டும். நாடி நரம்பை உரமாக்கும், வாய் நாற்றம் போக்கும்.

வெற்றிலைச் சாறு சிறுநீரைப் பெருக்குவதற்கும் பயன்படுகிறது. வெற்றிலைச்சாற்றுடம் நீர் கலந்த பாலையும், தேவையான அளவு கலந்து பருகி வர சிறு நீர் நன்கு பிரியும்.

வெற்றிலையை கடுகு எண்ணெயில் போட்டு லேசாக சூடு செய்து மார்பில் வைத்துக் கட்டிவர மூச்சுத் திணறல் மற்றும் இருமலுக்கு சுகம் தரும்.
குழந்தைகளுக்கு வரும் சுரம், சன்னிக்கு, வெற்றிலைச் சாற்றில் , கஸ்தூரி, கோரோசனை, சஞ்சீவி ஆகியவற்றில் ஏதேனும் ஒன்றை மத்தித்து தேனுடன் கொடுக்க குணமாகும். சளி, இருமல், மாந்தம், இழுப்பும் குணமாகும்.

வெற்றிலையை அனலில் வாட்டி அதனுள் ஐந்து துளசி இலையை வைத்துக் கசக்கிப் பிழிந்து சாறு எடுத்து 10 மாத குழந்தைக்கு 10 துளிகள் காலை, மாலை கொடுக்க சளி, இருமல் குணமாகும். அனலில் வாட்டிய வெற்றிலையை மார்பிலும் பற்றாகப் போட சளி குறையும்.

குழந்தைகளுக்கு மலர்ச்சிக்கல் ஏற்பட்டால் வெற்றிலைக் காம்பை ஆமணக்கு எண்ணையில் தோய்த்து ஆசன வாயில் செலுத்த உடனடியாக மலம் கழியும்.

வெற்றிலையை அரைத்து கீல்வாத வலிகளுக்கும், விதைப்பையில் ஏற்படும் வலி, வீக்கம் முதலியவைகளுக்கு வைத்துக் கட்ட நல்ல பலன் தரும்.

கம்மாறு வெற்றிலைச் சாறு 15 மி.லி. அளவு வெந்நீரில் கலந்து கோடுக்க வயிற்று உப்புசம், மந்தம், சன்னி, சீதளரோகம், தலைவலி, நீர் ஏற்றம் வயிற்று வலி குணமாகும்.

வெற்றிலையில் சிறிது ஆமணக்கு எண்ணெய் தடவி லேசாக வாட்டி கட்டிகளின் மேல் வைத்துக்கட்டி வர கட்டிகள் உடைந்து சீழ் வெளிப்படும். சிறப்பாக இதை இரவில் கட்டுவது நல்லது.

சுக்கு, மிளகு, திப்பிலி சம அளவு கலந்த திரிகடுக சூரணத்துடன் வெற்றிலைச் சாறு தேன் கலந்து சாப்பிட ஆஸ்துமா குணமாகும். 5 கிராம் சூரணம்+10 மி.லி. வெற்றிலைச்சாறு தேன் 10 கிராம் கலந்து காலை, மாலை நோயிக்குத் தக்க வாறு 48-96 நாள் சாப்பிட வேண்டும்.
குழந்தை பெற்ற பின்னர் தாய்க்கு அதிகமாக பால் சுரக்க வெற்றிலையை சிறிது ஆமணக்கு எண்ணெய் விட்டு வதக்கி மார்பில் வைத்துக் கட்டி வர தாய்பால் அதிகமாகச்சுரக்கும்.

வெற்றிலைச் சாறு நான்கு துளி காதில் விட எழுச்சியினால் வரும் வலி குணமாகும். விடாது மூக்கில் ஒழுகும் சளிக்கும் வெற்றிலைச்சாற்றை மூக்கில் விட குணமாகும்.

ஒரிசாவில் சில பகுதிகளில் பெண்கள் குழந்தைகள் பிறக்காமல் தடுக்க 10 கிராம் வெற்றிலை வேரையும், மிளகையும் சம அளவு வைத்து அரைத்து 20-40 நாட்கள் சாப்பிட்டு வருகிறார்கள்.

வெற்றிலையின் வேரை சிறுதளவு எடுத்து வாயிலுட்டு மென்று வர குரல் வளம் உண்டாகும். எனவே இசைக்கலைஞர்கள் இதனை அதிகம் பயன்படுத்துகிறார்கள்.

நுரையீரல் சம்பந்தமான நோய்களிக்கு வெற்றிலைச்சாறும், இஞ்சிச் சாறும் சம அளவு கலந்து அருந்திவர நன்மை ஏற்மடும். சிறுவர்களுக்கு அஜீரணத்தைப் போக்கி பசியைத் தூண்ட வெற்றிலையோடு மிளகு சேர்த்து கஷாயம் செய்து கொடுத்து வரலாம்.

திருநீறு மற்றும் சந்தனம் நெற்றியில் அணிவது ஏன்.?

அறிவியல் உண்மை...!

அறுகம்புல்லை உண்ணுகின்ற பசுமாட்டின் சாணத்தை எடுத்து உருண்டையாக்கி வெயிலில் காயவைக்க வேண்டும். பின் இதனை உமியினால் மூடி புடம் போட்டு எடுக்க வேண்டும். இப்போது இந்த உருண்டைகள் வெந்து நீறாகி இருக்கும். இதுவே உண்மையான திருநீறாகும்.
இது நல்ல அதிர்வுகளை மட்டும் உள்வாங்கும் திறன் கொண்டது. எம்மைச் சுற்றி அதிர்வுகள் இருக்கின்றன என்பது யாவரும் அறிந்ததே. எம்மை அறியாமலே அதிர்வுகளின் மத்தியில்த் தான் நாம் வாழ்ந்து கொண்டிருக்கின்றோம். எமது உடலானது இவ் அதிர்வுகளை ஏற்றுக் கொள்ளுகின்றது. திருநீறானது நல்ல அதிர்வுகளை ஏற்றுக் கொள்ளும் தன்மை வாய்ந்தது. அந்தவகையில் உடலின் முக்கிய பாகங்களில் திருநீறு இட்டுக் கொள்ளும் வழக்கம் இந்துமதத்தவர்களிடம் காணப்படுகின்றது.

இதைவிட மனித உடலிலே நெற்றி முக்கிய பாகமாகக் கருதப்படுகின்றது. அந்த நெற்றியிலேயே வெப்பம் அதிகமாகவும் வெளியிடப்படுகின்றது, உள் இழுக்வும்படுகின்றது. சூரியக்கதிர்களின் சக்தியை இழுத்து சரியான முறையில் உள்ளனுப்பும் அற்புதமான தொழிலை திருநீறு செய்யும் அதனாலேயே திருநீறை நெற்றியில் இடுவார்கள்.

தனது உடலிலே சாம்பல் சத்துக் குறைந்துவிட்டால், இலங்கை போன்ற வெப்பமான நாடுகளில் வளரும் கோழி இனங்கள் சாம்பலிலே விழுந்து குளிப்பதைக் கண்டிருப்பீர்கள். புறவை இனமே தன் தேவை தெரிந்து சாம்பலை நாடுகின்றதல்லவா! அதே போல்த்தான் மனிதனும் தன் மூட்டுவலி தோற்றுவிக்கும் இடங்களில் நீர்த்தன்மையை உறிஞ்சவல்ல திருநீற்றை அணிகின்றான். பசுமாட்டுச்சாணத்தை எரித்து திருநீறு செய்கின்றார்கள். மாடு அறுகம்புல் போன்ற பலவகையான புல்வகைகளை உண்டு தனது உடலைத் தேற்றிச் சாணம் போடும். அச்சாணம் தீயிலிடப்படும் போது ஏற்படும் இரசாயண மாற்றங்கள் உடலுக்கு மருத்துவத்தன்மையைக் கொடுக்கின்றது.


இதைவிட இரு புருவங்களுக்கும் இடையிலுள்ள பகுதியில் மிக நுண்ணிய நரம்பு அதிர்வலைகளை உள்ளன. அதனால் அந்த இடத்தைப் பயன்படுத்தி மனவசியம் இலகுவாகச் செய்யமுடியும். அதனாலேயே மனவசியத்தைத் தடுக்க அந்த இடத்தில் திருநீறு, சந்தனம் போன்றவை இடப்படுகின்றன. சந்தனம் நெற்றியில் வெளியிடப்படும் வெப்பத்தை நீக்குகின்றது. அதிகமான வெப்பம் கூடிய நாடுகளில் ஞாபகங்கள் முதலில் பதியப்படல், திட்டமிடல் போன்றவற்றிற்குத் தொழிற்படுகின்ற நெற்றிப்பகுதியிலுள்ள frontal cortex என்னும் இடத்தில் அணியப்படும் சந்தனமானது வெப்பம் மிகுதியால் ஏற்படும் மூளைச்சோர்வை நீக்குகின்றது.

சந்தனம் இரு புருவங்களுக்கும் இடையில் இடுகின்ற போது, முளையின் பின்பகுதியில் ஞாபகங்கள் பதிவுசெய்து வைத்திருக்கும் Hippocampus என்னும் இடத்திற்கு ஞாபகங்களை சிறப்பான முறையில் அனுப்புவதற்கு இந்த frontal cortex சிறப்பான முறையில் தொழிற்படும். உடலுக்குக் குளிர்ச்சியூட்டும் சந்தனத்தை நெற்றியிலும் உடலின் பல பாகங்களிலும் இந்து சமயத்தவர் அணிந்திருக்கும் காட்சி நகைச்சுவையாகப் பார்வைக்குத் தோன்றினாலும் அற்புதமான காரணமும் அதில் உண்டு பார்த்தீர்களா!

நெற்றியின் இரு புருவங்களுக்கும் இடையிலுள்ள நெற்றிப் பொட்டிலே பட்டும்படாமலும் சுண்டுவிரலை நேராகப்பிடித்தால் மனதில் ஒருவகை உணர்வு தோன்றும். அந்த உணர்வை அப்படியே வைத்துத் தியானம் செய்தால் மனஒருமைப்பாடு தோன்றும், சிந்தனை தெளிவுபெறும், எதையும் தெளிவாகப் புரிந்து கொள்ளும் நிலை தோன்றும். அந்த நெற்றிப் பொட்டு குளிர்ச்சியுடன் இருக்க வேண்டாமா? இதற்குச் சந்தனம் சரியான மருந்து.

இந்த உண்மைகளைச் சாதாரணமாகக் கூறி விளங்கவைக்க முடியாத மக்களுக்கு நிலையில்லா வாழ்வின் நிலையை உணர்த்தி திருநீற்றை உடலில் அணிய வைத்திருக்கின்றார்கள். மதத்தைக் காட்டி விஞ்ஞான விளக்கத்தை மறைத்துக் கூறிய விளக்கங்களினால் மதம் வென்றது விளக்கம் மறைந்தது.


விபூதி இட்டுக் கொள்ளும் இடங்களும், பலன்களும்
1. புருவ மத்தியில்(ஆக்ஞா சக்கரம்) வாழ்வின் ஞானத்தை ஈர்த்துக் கொள்ளலாம்.

2.தொண்டைக்குழி(விசுத்தி சக்கரம்) நமது சக்தியை அதிகரித்துக் கொள்ளலாம்.

3.நெஞ்சுக்கூட்டின் மையப்பகுதி தெய்வீக அன்பைப் பெறலாம். மேலும், பூதியை எடுக்கும் போது, மோதிரவிரலால் எடுப்பது மிகவும் சிறந்தது. ஏனென்றால், நம் உடலிலேயே மிகவும் பவித்ரமான பாகம் என்று அதைச் சொல்லலாம். நம் வாழ்வையே கட்டுப்படுத்தும் சூட்சுமம் அங்கு உள்ளது

இன்று ஒரு தகவல்(பக்கம்)'s photo.

மூளை வளர்ச்சியடைய உண்ண வேண்டிய உணவுகள்..!

ஞாபக சக்தி குறைவாக இருக்கிறதா? எதிலும் அதிக கவனத்துடன் ஈடுபட முடியவில்லையா? மூளை சரியாகச் செயல் படவும் நன்றாக வளரவும் தேவையான சத்துக்கள் நாம் சாப்பிடும் உணவிலிருந்து கிடைக்காததே இதற்குக் காரணம். காரட், தக்காளி, திராட்சை. ஆரஞ்சு, செர்ரி போன்ற பள பளப்பான வண்ண உணவுகளில் மூளைக்கு மிகத் தேவையான வைட்டமின்கள், மினரல்கள், பைட்டோ கெமிக்கல்கள் நிறைந் துள்ளன. ஒரு வாரம் காரட் சாப்பிட்டவர்களையும், காரட் சாப்பிடாதவர்களையும் பரிசோதித்தபோது, காரட் சாப்பிட்டவர்களின் மூளைத் திறன் மிகச்சிறப்பாக இருந்தது என்கிறது மனோதத்துவ பேராசிரியர் பால்கோல்ட் என்பவரின் ஆய்வு முடிவுகள்.

இந்த உணவுகள் மூலம் மூளையில் செரேட்டனின், அசிட்டின் கோலைன் என்ற இரசாயனப் பொருட்கள் உற்பத்தியாகி உடல் இயக்கத்தில் கலப்பது தான் இதற்குக் காரணம் மூளையின் ஞாபக சக்தியை சிறப்பாக தக்க வைத்துக்கொள்வதற்கு கொழுப்பு சத்து தேவை. இதற்கு மீனிலிருந்தும், மீன் எண்ணெயிலிருந்து கிடைக்கும் என் 3 என்ற கொழுப்பு அமிலமே தினமும் தேவை. நல்ல முடிவை திடீரென்று எடுக்க மீனும் ஏதேனும் ஓர் இனிப்புமே போதுமாம். சைவ உணவுக்காரர்கள் சோயா எண்ணெய், சூரியகாந்தி எண்ணெய் ஆகியவற்றை உபயோகிக்கலாம்.

மனித உடலிலே மூளைதான் அதிக ஆக்ஸிஜனை உபயோகிப்பது . எனவே, மூளையின் செல்கள் அழியாதிருக்க பைட்டோ கெமிக்கல் உள்ள உணவுகள் தேவை. இத்துடன் மூளை பலவீனம், குழப்பம், நோய்த் தாக்குதல், அல்சீமெர்ஸ் என்ற ஞாபக மறதி நோய் முதலியன ஏற்படாமல் இருக்க பி, ஏ, ஈ ஆகிய வைட்டமின் உள்ள உணவுகளும் தேவை. மிகவும் கூர்மையாகச் சிந்தித்து முடிவு எடுக்கச் சர்க்கரை உதவும். இதற்கு பழம் அல்லது இனிப்பு வகைகள் சாப்பிடவும். அரிசி, ரொட்டி, கோதுமை, உருளைக்கிழங்கு முதலியன கோபம் மற்றும் பதற்றம் போன்ற உணர்ச்சிகளை மெல்ல மெல்லக் கட்டுபடுத்திவிடும்.

மூளையைச் சரியாக, பாதுகாப்பாக பராமரிப்பதுடன் நல்ல மனப்பாங்கையும், காரியத்தைச் செய்து முடிக்கும் விடா முயற்சியையும், பெர்சி மற்றும் செர்ரி பழங்கள், அப்ரிகாட், பீச், அவரைக்காய் முதலியன தந்து விடுகின்றன. மனதை அமைதிப்படுத்தி, தன்னம்பிக்கையை உணர்த்துவது வெள்ளைப்பூண்டு. மூளையின் செல்கள் வேகமாக அழிந்து போய்விடாமல் பாதுகாப்பதில் வெள்ளைப் பூண்டுக்கு நிகர் வேறு இல்லை. ஞாபக சக்தி உள்ள உயிரினங்கள் எல்லாம் நீண்ட நாள் வாழ்கின்றன. எனவே, ஞாபக சக்தி அழியாமல் இருக்க வெள்ளைப் பூண்டைத் தவறாமல் சாப்பிடவும்.

பிரிட்டிஷ் விஞ்ஞானிகள் 54 முதல் 84 வயது வரை உள்ள ஆண்களை ஆராய்ந்து வந்தார்கள். இவர்கள் உடலில் பி வைட்டமின்கள் போதுமான அளவு இருந்தவர்கள் நல்ல ஞாபக சக்தியுடனும் சிறப்பான மூளைச் செயல் பாடும் உடையவர்களாக இருந்தனர் .ஆனால், அவர்களில் பி6 பி12 ஃபே லேட் ஆகிய வைட்டமின்கள் குறைவாக இருந்தவர்கள் மிகவும் மறதியும் மனக்குழப்பமும் உடையவர்களாக இருந்தனர்.

பி வைட்டமினைச் சேர்ந்த இந்த மூன்று வைட்டமின்களும் நரம்புகளின் மூலம் மூளைக்கு தெளிவாகச் செய்திகளை அனுப்பி மூளை அமைதியுடன் குழப்பமில்லாமல் வேலை செய்ய உதவுகிறது என்பதை மட்டும் உறுதியாகக் கண்டுபிடித்துள்ளனர். இந்த வைட்டமின்கள் குறையும் போது தீய அமிலங்கள் மூளைக்கு மிக மெதுவாக எடுத்துச் செல்லப்படுகின்றன.
இதனால் மூளையின் செயல்பாடுகளில் குழப்பம் ஏற்படுகிறது. மதிய உணவில் தயிர் சாதமும் கீரையும் இருந்தால் இந்த வைட்டமின்கள் நன்கு நம் உடலில் சேர்ந்துவிடும்.

நெல்லிக்காயின் மகத்துவம்..!

ஆமலகம் என்று கூறப்படும் நெல்லியின் மருத்துவ குணங்களைப் பற்றி தெரிந்து கொள்வோம். கருநெல்லி (கிடைப்பது அரிது), அருநெல்லி (எளிதில் கிடைக்கும்) என இரு வகைப்படும்.

நெல்லிக்காய் பசுமை நிறமாகவும், நெல்லிப்பழம் வெண்மஞ்சள் நிறமாகவும் காணப்படும். நெல்லிப்பழம் உலர்ந்த பின்னர் கருப்பாக இருக்கும். இதற்கு நெல்லிமுள்ளி என்று பெயர். இதனை நெல்லி வற்றல் என்றும் அழைப்பர். நெல்லி முச்சுவை உடையது; முதல் சுவை புளிப்பாகவும், இனிப்பாகவும் இருக்கும். நெல்லியை சுவைத்த பின்னர் தண்ணீர் அருந்தியவுடன், இனிப்புச் சுவையான நீர்போல் சுவைப்பதன் காரணம் இதுதான்.

* நெல்லிப்பூவை கைப்பிடி அளவு எடுத்து மென்று சாப்பிட்டால், மலச்சிக்கல் இருக்காது. உடலுக்கு குளிர்ச்சியை உண்டாக்கும்.

* நெல்லிக்காய், நெல்லிப்பழம் இவற்றை தினமும் சுவைத்து சாப்பிட்டு வந்தால் உடல் பொலிவுடன் அழகு பெறும்.

* நெல்லிக்காயை உண்டால் தலைச்சுற்றல் மற்றும் வாந்தி நீங்கும்.

* நெல்லி மரத்தின் பாகங்களை காயகல்ப முறைப்படி சாப்பிட்டு வந்தால், பெருவயிறு, இரத்தசோகை, மூலம், பெண்களுக்கு உண்டாகும் அதிக ரத்தப்போக்கு ஆகியவை நீங்கும்.

* நெல்லி மரத்தின் இலைக் கொழுந்தை நன்கு அரைத்து மோரில் கலந்து சாப்பிட்டால் சீதத்துடன் கூடிய கழிச்சல் தீரும்.

* நெல்லிவற்றலை தண்ணீ­ர் சேர்த்து நன்கு அரைத்து தலையில் தேய்த்து குளித்தால் கண்கள் குளிர்ச்சி பெறும்.

* நெல்லி வற்றலை ஒன்றிரண்டால் இடித்து வெந்நீரில் போட்டு கொதிக்க வைத்து பாதியாக சுண்டியதும் இறக்கி வடிகட்டி, அதில் சர்க்கரை மற்றும் சிறிதளவு பால் சேர்த்து சாப்பிட்டால் உடல்சூடு, வாந்தி ஆகியவை நீங்கும்.

* நெல்லிவற்றலுடன் வில்வஇலை, சீரகம், சுக்கு, பொரி ஆகியவற்றை ஒன்றாக இடித்து வெந்நீரில் போட்டு கொதிக்க வைத்து வடிகட்டி பருகினால் பித்த வாந்தி நிற்கும்.

* நெல்லிக்காயை துவையலாக சாப்பிட்டால் வாந்தி மற்றும் சுவையின்மை நீங்கி, சுவை உண்டாகச் செய்யும்.

* நெல்லி விதையுடன் சுத்தமான ஓமம், பசலைக்கீரை விதையை சமமாக எடுத்துக் கொண்டு பொடியாக்கி, தேன் கலந்து.... சுண்டைக்காய் அளவு உருட்டி காலை, மாலை தண்ணீ­ரில் உட்கொள்ள, பெருநோய் எனப்படுகின்ற குஷ்டநோய் வகைகள் யாவும் நீங்கும்.

* நெல்லிக்காய் தைலத்தை தலைக்கு தடவி வர(அல்லது) தலையில் ஊறியதும் குளித்தால் முடி செழித்து வளரும். முடி உதிராமல் நன்கு வளரும். இளநரை சிறிது சிறிதாக மறையும்.

நெல்லிக்கனியில் வைட்டமின் சி அதிக அளவில் நிறைந்துள்ளது. இந்த நெல்லிக்கனியில் அதிகமான அளவில் ஆன்டி-ஆக்ஸிடன்ட்கள் நிறைந்திருப்பதால், இதனை ஆயுர்வேத மருந்துகளில் அதிக அளவில் பயன்படுத்துகின்றனர்.

1. நீரிழிவு நோயால் பாதிக்கப்பட்டவர்கள் நெல்லிக்கனியை சாப்பிட்டால் இரத்தத்தில் உள்ள சர்க்கரையின் அளவைக் கட்டுப்படுத்தும்.

2. உடலில் இருக்கும் கொழுப்பின் அளவைக் குறைக்கும்.

3. இது ஒரு இயற்கையான ஆன்டி-ஏஜிங் பொருள். ஆகவே இதனை உட்கொண்டால் சருமத்திற்கு மிகவும் சிறந்தது. மேலும் ஸ்காப்பிற்கு போதுமான அளவு ஈரப்பசை தருவதோடு, கூந்தல் வளர்ச்சியை அதிகரிக்கும்.

4. செரிமான மண்டலத்தை சரியாக இயங்கச் செய்து, மலச்சிக்கலை சரிசெய்யும்.

5. உடலில் இரத்த ஓட்டத்தை சீராக்கும்.

6. கல்லீரலின் செயல்பாட்டை முறையாக நடத்துகிறது.

7. இதனை தினமும் சாப்பிட்டு வந்தால், உடலில் நோய் எதிர்ப்பு சக்தி அதிகரித்து, எந்த நோயும் உடலை தாக்காமல் பாதுகாக்கும்.

8. நெல்லிக்கனி உடலில் உள்ள ஹீமோகுளோபின் அளவை அதிகரிக்கும்.

சுசியின் அனுபவங்கள் - 4 - பயிற்சிகள்

சுசியும் மற்ற ஆன்மிகவாதிகள் போல எப்போதும் பயிற்சிகள் பற்றி நல்லபடியாக பேசுவார், அவ்வப்போது சில பயிற்சிகளை செய்வார். சில நாட்கள் கழிந்த பின்னர் ஏனோ பழைய பயிற்சிகளை நிறுத்திவிட்டு புதிதாக சில பயிற்சிகள் செய்வார். பயிற்சிகளை அவர் தனிமையில் செய்தாலும், அவற்றை ரகசியமாக செய்வதில்லை. எனவே அவரிடம் பயிற்சிகள் பற்றி அறிய சில கேள்விகள் கேட்போம்.


ஆன்மிக பயிற்சிகள் என்றால் என்ன?
நம் உடல்களை நல்லபடியாக பாதுகாத்து வைத்துக்கொள்ளவும்; உடல்களின் திறன்களை அதிகரிக்க செய்யவும்; அதிகரித்த திறன் கொண்ட உடல்கள் கொண்டு பொதுவாக செய்யவியலாத அதிசயம் போன்ற செயல்களை செய்வதற்கும், அனுபவ ஞானிகளால் வரையறுக்கப்பட்ட முறைகளை நாம் தொடர்ந்து பயில்வதே ஆன்மிக பயிற்சிகள் ஆகும்.


உடல்கள்?
நம் முன்னோர்கள், நாம் கண்களால் காணும் இந்த உடல் (பரு உடல்) தவிர மேலும் நான்கு உடல்கள் நமக்கு இருப்பாதாக அறிந்து அறிவுறுத்தியுள்ளனர். மற்ற நான்கு உடல்களை நாம் துவக்கத்தில் நம்பிக்கையால் அறிந்துகொண்டு, பின்னர் சில சரியான பயிற்சிகள் மூலம் அனுபவத்தாலும் உணரமுடியும்.
நம்முடைய மனம், புத்தி போன்றவையும் நம் உடல்களே. நம் பிராண சக்தியும் ஒரு உடலே. இந்த ஐந்து உடல்கள் பற்றி மேலும் அறிய விரும்புபவர்கள் பஞ்சகோசம் என்றால் என்ன என்று தேடி அறியுங்கள்.


அனைத்து உடற்பயிற்சிகளும் ஆன்மிக பயிற்சிகளா?
பல உடற்பயிற்சிகளும் ஆன்மிக பயிற்சிகளாக ஏற்கக்கூடியவையே.


பொதுவான உடற்பயிற்சிகளுக்கும் ஆன்மிக பயிற்சிகளுக்கும் உள்ள வேறுபாடுகள் என்ன?
பொதுவான உடற்பயிற்சிகள் நம் ஒவ்வொரு உடலையும் தனித்தனியே பார்க்கின்றன. ஆன்மிகப்பயிற்சிகள் ஐந்து உடல்களையும் ஒன்றோடொன்று தொடர்புடையவை என்று பார்க்கின்றன.
பொதுவாக உடற்பயிற்சிகள், ஒரு உடலை குறிவைத்து செய்யப்படுகின்றன. அவற்றை செய்யும்போது, பக்கவிளைவாக பிற உடல்களும் பயன்பெறலாம். ஆன்மிக பயிற்சிகள் அனைத்து உடல்களையும் குறிவைத்து செய்யப்படுகின்றன.
பொதுவான உடற்பயிற்சிகள் ஒரு உடலை பலப்படுத்திக்கொண்டே வேறு ஒரு உடலை பலவீனப்படுத்தலாம். நல்ல ஆன்மிகபயிற்சி எந்த உடலையும் பலவீனப்படுத்தாது.


ஆன்மிகப்பயிற்சிகளை யாரிடம் கற்கலாம்?
பயிற்சியை செய்யத்தெரிந்து, சொல்லிக்கொடுக்கவும் தெரிந்த எவரிடமும் கற்கலாம். அவர் நல்லொழுக்கம் கொண்டவராக இருப்பது அவசியம், அவர் ஒழுக்கத்தில் உங்களுக்கு சந்தேகம் வருமாயின் அவரைவிட்டு விலகிவிடுங்கள். அவர் அந்தப்பயிற்சியை பலகாலம் பயின்றவராக இருப்பதும்; அவர் ஒரு பாரம்பரியம் கொண்டவராக இருப்பதும், அவர் தகுதியினை கூட்டும்.


ஆன்மிகப்பயிற்சிகளை பணம் செலவழித்து கற்கலாமா?
உங்களால் செலவு செய்யமுடியும் என்றால் செய்யலாம். தட்சிணை கொடுப்பதும், சிலசமயங்களில் கேட்டு வாங்குவதும் பண்டையகாலம் முதல் நடைமுறையில் உள்ள ஒன்றே.


நமக்கேற்ற நல்ல ஆன்மிக பயிற்சியை அடையாளம் காண்பது எப்படி?
நமக்கு ஏற்படும் அனுபவங்களே நமக்கேற்ற நல்ல ஆன்மிகப்பயிற்சிகளை நமக்கு அடையாளம் காட்டும். நாம் நல்ல பயிற்சிகளை செய்யும்போதும் நல்லனுபவம் தரும், பின்னர் நம் தினசரி வாழ்வின் அனைத்து அனுபங்களின் தரத்தையும் உயர்த்தும்.
நல்லப்பயிற்சிகளை தொடர்ந்து செய்யும்போது, செய்பவர் மட்டுமின்றி அவருடன் தினசரி பழகும் மற்றவர்களும், அவரிடம் ஒரு நல்ல மாற்றத்தை, முன்னேற்றத்தை கவனிப்பார்கள். ('தொடர்ந்து செய்யும்போது' என்பதற்கு காலஅளவு தேவை, அது ஒருவாரம் முதல் மூன்று மாதங்களே. நீங்கள் வாழ்நாள் முழுவதும் செய்து பின்னர் அவை நல்ல பயிற்சியல்ல என்று அறிவீர்களேயானால் அதனால் உங்களுக்கு எந்த பயனும் கிடைக்கப்போவதில்லை)
நம் தினசரி வாழ்வின் அத்தியாவசிய தேவைகளை பூர்த்தி செய்யவிடாமலோ அல்லது அனுபவிக்க முடியாதபடியோ செய்யும் எந்தப்பயிற்சியும் நல்ல பயிற்சியல்ல.


மந்திர தந்திரங்களும் பயிற்சிகளா?
தந்திரம் என்பதற்கு வேறு அர்த்தங்கள் இருப்பினும், பலகாலமாக நுட்பம் என்கிற பொருளிலேயே ஆன்மிகவாதிகள் பயன்படுத்தி வந்துள்ளனர். தந்திரங்களையே நாம் பயிற்சியாக செய்கிறோம். மூச்சை கவனிப்பதும் ஒரு தந்திரமே. நம் முன்னோர்கள் நமக்கு பல தந்திரங்களை அளித்துள்ளனர். ஒரு தந்திரம் பலபடிகள் கொண்டதாகவும் இருக்கலாம், உதாரணத்திற்கு சூரியநமஸ்காரம். தந்திரங்கள் பற்றி மேலும் அறிய விரும்புபவர்கள் 'விஞ்ஞான பைரவ தந்திரா' எனப்படும் பண்டைய வடமொழி நூலினை (மொழிபெயர்ப்பினை) தேடி படியுங்கள். அதில் நாம் நினைத்துப்பார்க்க முடியாத பலன்களை தரக்கூடிய எளிதாக தோன்றும் தந்திரங்கள் பல உண்டு.
மந்திரங்களையும் தந்திரங்களில் பயன்படுத்துவது உண்டு. மந்திரங்களுக்கு நம்முடல்கள் தாண்டிய விசயங்களையும் பாதிக்கும் சக்தி உண்டு. எனவே நல்ல குரு அல்லது வழிகாட்டி துணைகொண்டே சில மந்திரங்களை பயிலவேண்டும்.


பொதுவாக இங்கு ஆசிரமங்களிலும், ஆன்மிக நிறுவனங்களிலும் கற்றுத்தரப்படும் தந்திரங்கள் எந்த வகை?
இத்தகைய நிறுவனங்களில் பொதுவாக பரு உடல் நலம் சம்பந்தப்பட்ட தந்திரங்களே கற்றுத்தரப்படுகின்றன. பரு உடல் அங்கங்கள் கொண்டு செய்வதும், மூச்சுப்பயிற்சிகளும்.
சில இடங்களில் பிராண உடல், விஞ்ஞான உடல் ஆகிய இரண்டுக்கும் பயிற்சியளிக்கக்கூடிய தந்திரங்களும் கற்றுத்தரப்படுகின்றன.
முன்பே சொன்னதுபோல, நல்ல பயிற்சிகள் அனைத்து உடல்களுக்கும் நன்மை தரும்.


பயிற்சி செய்வதற்கான காலநேரமும் அளவும் என்ன?
பயிற்சிக்கான காலநேரமும் அளவும் ஒவ்வொரு தந்திரத்திற்கும் மாறும். சில பயிற்சிகள் நாள் முழுவதும் செய்யலாம். பயிற்சியின் காலஅளவு உங்கள் தினசரி வாழ்வை பாதிக்குமெனில், அதிக அளவு என்பதை அறிக.


பழகிய தந்திரங்களை நிறுத்திவிட்டு புதிய தந்திரங்களை ஏற்கலாமா?
சரியான காரணம் இருக்குமேயானால் கட்டாயம்ஏற்கலாம், ஏற்க வேண்டும்.
உங்களுக்கு ஒத்துவராத தந்திரத்தை நீங்கள் கட்டாயம் நிறுத்தவே வேண்டும். இப்போது நீங்கள் பயிலும் தந்திரத்தைவிட அதிக பலன் தரக்கூடிய தந்திரம் உங்களுக்குக் கிடைத்தாலும் பழையதை நிறுத்திவிட்டு புதியன தொடங்கலாம்.
ஒரு தந்திரம் அனைவருக்கும் சிறந்த பலன்களை தருவதில்லை. அவரவர் அவரவருக்கேற்ப, தற்போதைய நிலைக்கேற்ப தந்திரத்தை தேர்ந்தெடுக்க வேண்டும். அதை அவ்வப்போது சீர்தூக்கிப் பார்த்து தேவை என்றால் புதிய தந்திரம் தேட வேண்டும்.
ஒரு தந்திரத்தை கைவிடுவதால் நீங்கள் எந்த தவறும் செய்வதில்லை, அந்த தந்திரத்திற்கோ, அதை கற்பித்தவருக்கோ அல்லது பயிலும் மற்றவர்களுக்கோ நீங்கள் எவ்வித தீங்கோ அல்லது துரோகமோ செய்வதில்லை என்பதை எப்போது நினைவில் வைத்துக்கொள்ளுங்கள்.
ஒரு கூட்டம் உங்கள் மீது ஒரு தந்திரத்தை திணித்தாலோ அல்லது ஒரு தந்திரத்தை நீங்கள் கைவிடுவதை அனுமதிக்காமல் மறுத்தாலோ ... உடனடியாக அந்தக்கூட்டதிடமிருந்து தப்பிக்க முயற்சி செய்யுங்கள்.


தந்திரங்களை மாற்றலாமா?
பல தந்திரங்கள் பல ஆண்டுகளாக பல ஞானிகளால் ஆராய்ந்து உருவாக்கப்பட்டவை. அவற்றை அப்படியே செய்வதே நல்லது.


குரு அல்லது வழிகாட்டி அவசியமா?
சில தந்திரங்கள் ஆபத்தான பக்கவிளைவுகளை கொண்டவை. அவை வழக்கமாக நம் உடல்களில் உள்ள சக்திகளை தாண்டி வேறு சக்திகளை கையாளும். அப்படிப்பட்ட தந்திரங்களுக்கு குரு அல்லது ஒரு வழிகாட்டி தேவை. பிற சக்திகள் கொண்டு நம் உடல்களையும், வாழ்வையும் மேம்படுத்த செய்யும் பயிற்சிகள் தவிர்க்கப்படவேண்டியவை. (பெரிய கோவில்களில் வைத்து வணங்கப்படும் தெய்வங்களும், உங்கள் குலதெய்வங்களும் ஆபத்தில்லாதவை, நன்மை மட்டுமே செய்யக்கூடியவை.)
உடல் அங்கங்கள் கொண்டு உடல்களுக்குள் செய்யப்படும் பயிற்சிகள் பொதுவாக ஆபத்தில்லாதவை, அவை தவறாக செய்யப்பட்டாலும், உடல்பிடிப்பு போன்ற சிறிய பாதிப்பையே ஏற்படுத்தும்.
குரு அல்லது வழிகாட்டியை தேர்ந்தெடுக்கும்போது மிகுந்த கவனம் தேவை. தந்திரங்களால் வரும் தீய பாதிப்புகளைவிட தவறான ஆட்களால் வரும் தீய பாதிப்புகளே அதிகம்.